الادیب الشیخ ابراهیم الدیراوي

 شاعر من خوزستان في شعره حلاوة و روعة و جمال، لقد اشعل مشعلا من الشعر الجمیل الذی کان یرفعه شعراء قبله و خلق بشعره الصادق صورا شعرية جميلة، تطرب فی شعره القوافي و تسمو في سما الادب الرفيع و یمتلک القدرة الكبيرة في نظم الشعر الساحر الجميل نظم شعر كثير و شارك في شتى المناسبات الدينية و له ديوان شعري من قصائده المعروفة قصيدة مثل اول مثل اول و قصيدة يا هظيمة

الشاعر الشيخ ابراهيم الديراوي من شعراء عبادان بدء حياته مع ما كان يعاني من ضعف البصر من صغر سنه في جوار العلماء كشيخ عيسى الطرفي و غيره و تعلم مقدمات العلوم الدينية و بعد ذلك هاجر الى مدينة قم المقدسة و سكنها حتى يكمل مشواره العلمي و رافق ادباء منطقة عبادان و تعلم منهم اصول الادب و فنونه حتى ملك ناصية الشعر في مبكّر عمره و صار شاعرا يستلذ السامع من نظمه و يطرب، نصوصه فی بالغ الکمال من حیث الاتقان و الابداع و الصنعة ينسج القوافي نسيجا جميلا حيث تربط في بعضها ربطا مبدعا فنيا و من قصائده الجميلة قصيدة يا هظيمة:

يــــاهظيمه العمر ذوبـــــل و الامـــل لفته غيمه

او ماتن الچلمات يسمر و الگلب حاير ابضيمه

ويا هظيمه ويا هظيمه

***

يا هظيمه اتبيعني بحفنة ارمـــــاد و انه ليــره

ابتهَر لمن شافني الصايغ اوضل واگع ابحيره

ذهب ما بيه دغش صافي او تضيعني العشيره

لاكــــن ابيضّت ادمـــوم الوادم او ماتت الغيره

و الگلوب اسودّت و حتى النهار اسود ضميره

يمن سوده ابوجه العريضي الحــفر لينه حفيره

من عسه الفركنه وجعت موت و بساعه گصیره

هنا يمن چتفت روحـــي برمشك الظـــالم يسيره

وك اوحات ابوفاضل حرام انچان حبك ردنه غيره

اتكرها عـــافيته اليكرهك كـــون ويطيح ابشهيره

يلعفتني و لا گـــلت محــبوبي المظلـوم اجـــيره

وانه خويه الحزن تابعني ولزگ چبنه اعلى جيره

ابنعش صدري گلیبي ميت لا تشب نـارابسريره

لفني دولاب الهمــوم الظــــالم او ذبـــني ابهيمه

اوفوگ ضيم العلي ضيمك هم اخذ من عندي ديمه

وياهظيمه وياهظيمه 

يا هظيمه الحيل گوض چلقطار اليمر سارع

يمشي و ابسكة الضيم او لا ربيع اولا مرابع

والدريــول ياحبيبي الفلك ليش الفلك گـــاطع

يعت بيه و امري للله امسيت لامر الفلك طايع

وانه ارد وحدي اسنين العمر واشبگهن ووادع

مصارع اويلضيم گضیته العمر واليمته اصارع

هـــا زرعت اعيوني اربيه اوعلى دربك تباوع

هـــا انوح اعله الشباب الصار مثل الثلج مايع

لكن اشبيدي الامـــل محبس فهن منه الاصابع

و الـوكت فجّر العيني اعــيون تتفايض مدامع

جرف يا خذني او جرف يدفعني و امحيّر شدافع

امل گلبي او سعدي اسنين العمر راحن حريمه

او گیلت تنور ضيمي وچیمت اضلوعي چیمه

وياهظيمه وياهظيمه

اليمته اضل ارسم خيالك وانتظريهواي ترجع

اليمته اضل مشتول بشفافي العطش و العين تدمع

شنهو ذنبي ما اشم طيبك و لاهم بسمك اسمع

لاولا نسمه التهب من ديــرتك و العين تهجع

انته ما چنک هــذاك اغزيّل البحشاي يــرتع

يلعشت بلروح يلحبك ربــّا وبضلوعي تريع

يلبتت چلمة اعله بــالي وشافهه گلیبي وتولع

ماهي فصليه يولفي الروح شنهي تريد تصنع

لاولك لا تــذبح اگلیبي طفــل معصوم يرضع

لاولك والعمر كــاغد بس يجيسه الماي ینگع

وانه يم عين الشمس تاخذني الحسبات واوگع

يم بنات النعش و استرجي الگمر يا صوب يطلع

مثل ما بـــدر الامــل هليله عألعــالم تشعشع

ابوالـــزهره العله العالم فجّر الثوره العظيم

هاوفرحت المخلوگ بس انه الوكت ذبني بظليمه

وياهظيمه وياهظيمه

و له کذلک قصیدة مثل اول مثل اول:

مثل أول مثل أولا

حب أيامنه الراحت ترد ترجع

مِثل أول مِثل أولا

حب بیتي صَخَر لو طین احبه امطَرّز ابچَندل

 مِثل أول مِثل أول

احب ایامنه الراحت ترد وایامي هذي اتزول

احب اتشابگ اویلکوخ  کوخ الامل طول بطول

احب أتوسد الحِلفه وانام ودوشگي العاگول

تحت في الگصب والبردي والچولان دایر حول

احب امضیفنه المفروش ،حصران ونمِد وبلول

احب چانونه الیلهث جمر والحطَب یمه اتلول

احب اتنشّگ  ابدخان ،ذاک اسراینه المشعول

احب دیواننا اللیل ونهار،الکل وجه محلول

احب اتصنّت الدگات هاونّه الیرّن شیگول

احب المَرفعَه وذیچ الحبوب وضحچة الکشکول

احب أهلِی النشامه البلحصاد، تگوم کلهه اتیول

احب احزام ابوي الچان من خوص النخل مفتول

احب رحاتنه وخبز الشعیر الکل وکت مبذول

احب یاونّه والمهباش والگوساني والمَنجَل

والناعور والیاییم والمشحوف والتنبل

مثل أول مثل أولاحب

دیرة هلي ام الخیر، احب اربوعنه الخضرة

احب شطنه وسواجینه احب موجاته السمرة

سواجینه الغطاها الزود، زود الضیم والحسرة

وشطنه إلطمته إهموم السنین ودثرت صدره

احب اشکال ابوي الچان باسم کل وکت ثغره

احب سالوفة اللگاح احب غناوة السهرة

ورفیف البردي وضحچة إعثوگ النخل للگمره

احب ارجع وأشم اتراب آرضنه الچل مسچ عطره

واروح اشبگهن ابفروند الامل والعشگ والعشره

وگل إلهن ینخلاتي الشتلتن بالگلب جمره

انا ردیت لا تبچن بعد مو خلصت الهجرة

وارید أغسل بدمعاتي عقیق ادموعچ الصفره

وإجاچ الماي یتهاده او خوصچ بعد لا یذبل

خل تترادف السعفات خل الگلب یتدلل

مثل أول مثل أول